04:50am|03April2012
Araaldaw man giraray na mapuli ta mayong ibang uulian.
Araaldaw mababanggihan ta iyo ang kagustuhan.
Tutuyuhon na magtanaw sa bintana kan bus na marikas na araachan nagpupundo para magpababang pasahero.
Titiuson ang gutom asin kulog kang payo.
Pipiriton na lingawan ang poon.
Ngunyan na banggi mayong maaaninag na bulan o bituon.
Uran, makusog ang uran;
Madaling dae na mamaanan ang dalan.
Malipot maski saraduhon ang bintana.
Wawalaton sa inaagihan na raran ang mga pagbabahala.
Iisipon na harani na sa bababaan.
Dae makakalampas ta aram kung saen asin nuarin dapat mapundo.
Saka mamumungunan na nunca...
dae na kita magkakasabayan.
No comments:
Post a Comment